na aae samne mere agar nahin aata
mujhe to us ke siva kuchh nazar nahin aata
bala use bhi to kahte hain log aalam men
ajab hai kis liye vo mere ghar nahin aata
vo mere samne tuuba ko qad se maap chuke
unhon ke nam-e-khuda ta-kamar nahin aata
na be-khatar raho mujh se ki dard-mandon ke
labon pe naala koi be-khatar nahin aata
dara diya hai kisi ne use magar ‘arif’
mire kharabe ki janib khizar nahin aata
Leave a Reply