muTThi men do-char nahin
koi tera yaar nahin
yuun hi gale laga.ega
aisa to sansar nahin
sachchi baten likhta ho
koi bhi aḳhbar nahin
kahta huun so karta huun
bhaa.i main sarkar nahin
apni raah banao ḳhud
yuun to beḌa paar nahin
puchh puchh kar marenge
kah do main bimar nahin
chalo tava.if ghafil hai
ham to izzat-dar nahin
maana ki bekar hain ‘dip’
itne bhi bekar nahin
Leave a Reply