Mushkilen Kitni Hain Poshida Is Aasani Mein

mushkileñ kitnī haiñ poshīda is āsānī meñ

sonā paḌtā hai hameñ ḳhvāb kī nigarānī meñ

ḳhud se milnā ho to fursat ke paloñ meñ milnā

aks dikhte hī nahīñ bahte hue paanī meñ

ba.ad muddat ke milā thā vo magar thā kaisā

dekhnā bhuul gayā us ko maiñ hairānī meñ

terī yaad aa.ī to hairat bhī nahīñ hai mujh ko

yaad apnā hī to aatā hai pareshānī meñ

kyā huā jis ne yaqīñ ko tire mismār kiyā

tū ne kyā dekh liyā lamha-e-imkānī meñ

Leave a Comment