Poet
musalsal ik mashaqqat be-sabab hai
mohabbat bhi bahut mehnat-talab hai
tumhara gham hai rishta-dar mera
tumhari yaad hi mera nasab hai
tum aa jaate to achchha tha magar ab
mire dil men yahi ik aas kab hai
yunhi aate nahin ahval takne
vo aa.e hain to phir koi sabab hai
mire dalan men ganjina-e-yad
muravvat ashti uftad sab hai
main raushan huun tire partav ke baa.is
mire chehre pe teri tab-o-tab hai
qayamat ki ghaḌi guzri hai aur tu
abhi maujud-o-zinda hai ajab hai
Leave a Reply