Muraden Koi Pata Hai Kisi Ki Jaan Jati Hai

muraden koi paata hai kisi ki jaan jaati hai

hazaron dekhne vaale tiri chitvan ke baithe hain

adu ashiq sahi maana usi par munhasir kya hai

abhi to chahne vaale bahut bachpan ke baithe hain

saba kya khaak udaegi adu kya qahr Dhaenge

vo khud pamal karne ko mire madfan ke baithe hain

suragh-e-naqsh-e-pa-e-ghair shayad apna rahbar ho

sar-e-rah-e-talab ham muntazir rahzan ke baithe hain

Leave a Comment