muntashir zehn ki sochon ko ikaTTha kar do
tum jo aa jaao to shayad mujhe tanha kar do
dar-o-divar pe paḌhta rahun nauha kal ka
is ujale se to behtar hai andhera kar do
ai mire gham ki chaTano kabhi mil kar TuuTo
is qadar zor se ciḳho mujhe bahra kar do
ja rahe ho to mire ḳhvab bhi lete jaao
dil ujaḌa hai to ankhon ko bhi sahra kar do
kuchh nahin hai to ye pindar-e-junun hai kisar
tum ko mil jaa.e gireban to tamasha kar do
Leave a Reply