muntashir sayon ka hai ya aks-e-be-paikar ka hai
muntazir ye a.ina kya jaane kis manzar ka hai
reza reza raat bhar jo ḳhauf se hota raha
din ko sanson par abhi tak bojh us patthar ka hai
vo kisi farhang ka qaidi na ab tak ho saka
vo shikasta lafz meri ruuh ke andar ka hai
har koi hone laga hai din ko ḳhvabon ka asiir
ḳhauf har ik aankh men ik duur ke manzar ka hai
dekh kar bhi kya kare ‘manzur’ us ka karb hai
vo to juz ankhon ke sar se paanv tak marmar ka hai
Leave a Reply