munkir-e-but hai ye jahil to nahin
ghar se vaaiz kahin fazil to nahin
tum na asan ko asan samho
varna mushkil miri mushkil to nahin
kya sambhale mere dil ka langar
zulf hai kuchh vo salasil to nahin
aaj main dil ko juda karta huun
dekhiye aap ke qabil to nahin
zalzale men jo zamin aati hai
ye bhi us shokh pe bismil to nahin
dard ko gurda tadapne ko jigar
hijr men sab hain magar dil to nahin
haddiyan khane ko khata hai huma
sag-e-janan ke muqabil to nahin
bola vo gul jo suni aah ‘sakhi’
aisi avaz-e-anadil to nahin
Leave a Reply