mujh ko taufiq-e-intizar shadid
tera va.ada hai la.eq-e-tajdid
pursish-e-hal aur ye tanz-e-latif
mere zaḳhmon pe hai khuli tanqid
aate rahiye kabhi tasavvur men
rahne diije rahi sahi ummid
sham.en bujhti hain dil sulagte hain
haa.e kya chiiz hoti hai ummid
aap mahfil se chal diye lekin
ban ga.e ham nishana-e-tanqid
ruḳhsat ai tirgi-e-aḳhir-e-shab
jagmagata hai chehra-e-ḳhurshid
dard men tark-e-zabt ki talqin
hai vafa ki rivayaton se ba.iid
ḳhuun se bhigne lagin palken
haa.e re tera intizar-e-shadid
dard-e-dil aur baḌh gaya ‘nayyar’
bhigi palkon ne ki hai jab ta.id
Leave a Reply