Sufi
mujh ko khushiyan na sahi gham ki kahani de de
jis ko main bhuul na paun vo nishani de de
mujh ko budha na kahe mere zamane vaala
ai khuda mujh ko vo eajaz-e-javani de de
rat-bhar jagta rahta huun ki jiina hai azaab
ankhen jo chahti hain niind suhani de de
sun ke ghazlon ko miri jhuum uthe har koi
mire ashar ko vo husn-o-maani de de
yaad kar ke main jise bhuul sakun gham ‘ahsan’
tu mujhe aisi koi chiiz purani de de
Leave a Reply