Asar Lakhnavi
mujh ko har phuul sunata tha fasana tera
tere daman ki qasam apne gareban ki qasam
gunjta rahta tha ik naghma mire kanon men
tapish-ahangi-e-mizrab-e-rag-e-jan ki qasam
iltifat-e-nigah-e-naz ka sauda tha kabhi
ḳhatm vo daur hua gardish-e-dauran ki qasam
ab na vo dil hai na vo valvala-e-arz-e-niyaz
haath se chhuTe hue gosha-e-daman ki qasam
mujh ko barbad hi rahne de talafi se guzar
ishq ehsan hai giran-bari-e–ehsan ki qasam
adab-amoz-e-mohabbat hai mohabbat meri
varna khata tire toḌe hue paiman ki qasam
Leave a Reply