Subhan Asad
mujhe malal men rakhna ḳhushi tumhari thi
magar main ḳhush huun ki vabastagi tumhari thi
bichhaḌ ke tum se ḳhizan ho ga.e to ye jaana
hamare husn men sab dilkashi tumhari thi
ba-nam-e-shart-e-mohabbat ye ashk bahne do
hamen ḳhabar hai ki jo bebasi tumhari thi
vo sirf main to nahin tha jo hijr men roya
vo kaifiyat jo miri thi vahi tumhari thi
gila nahin ki mire haal par hansi duniya
gila to ye hai ki pahli hansi tumhari thi
Leave a Reply