mujhe dard-e-dil ka pata na tha
mujhe aap kis liye mil gae
main akele yunhi maze men tha
mujhe aap kis liye mil gae
yunhi apne apne safar men gum
kahin duur main kahin duur tum
chale ja rahe the juda juda
mujhe aap kis liye mil gae
na main chand huun kisi shaam ka
na charagh huun kisi baam ka
main to raste ka huun ik diya
mujhe aap kis liye mil gae
mujhe dard-e-dil ka pata na tha
mujhe aap kis liye mil gae
Leave a Reply