Mujhe Dar Se Apne Tu Tale Hai Ye Bata Mujhe Tu Kahan Nahin

mujhe dar se apne tu taale hai ye bata mujhe tu kahan nahin

koi aur bhi hai tire siva tu agar nahin tu jahan nahin

padi jis taraf ko nigah yaan nazar aa gaya hai khuda hi vaan

ye hain go ki ankhon ki putliyan mire dil men jaae butan nahin

mire dil ke shishe ko bevafa tu ne tukde tukde hi kar diya

mire paas to vahi ek tha yaan dukan-e-shisha-garan nahin

mujhe raat saari hi tere haan kate kyuun ke rote na shama saan

ki ho sake hai kuchh ab bayan na ye baat hai ki zaban nahin

koi samjhe kyuun ke ye muddaa ki paheli sa hai ye majra

kaha main tujhe nahin chaah kya laga kahne mujh se ki haan nahin

na mila hamen koi nukta-dan ye bipat suna den bhala kahan

na hua sabhon pe vahi ayaan jo kasu se yaan to nihan nahin

tujhe dard kyuun ki sunaun main na khuda kisi ko dikhae ye

jo kuchh apne ji pe guzarti hai kahun kya ki us ka bayan nahin

Leave a Comment