mujh pe hain saikḌon ilzam mire saath na chal
tu bhi ho ja.ega badnam mire saath na chal
tu na.i subah ke suraj ki hai ujli si kiran
main huun ik dhuul bhari shaam mire saath na chal
apni ḳhushiyan mire alam se mansub na kar
mujh se mat maang mira naam mire saath na chal
tu bhi kho ja.egi Tapke hue aansu ki tarah
dekh ai gardish-e-ayyam mire saath na chal
meri divar ko tu kitna sambhalega ‘shakil’
TuTta rahta huun har gaam mire saath na chal
Leave a Reply