Mujh Mein Ab Nahin Baqi Hausla bichhaDne Ka

mujh meñ ab nahīñ baaqī hausla bichhaḌne kā

multajī huuñ denā mat indiya bichhaḌne kā

is se baḌh ke kyā hotā zindagī ke dāman meñ

ek ġham hai hone kā dūsrā bichhaḌne kā

pyaar aur tavaqqo.a ke silsile na baḌh jaa.eñ

is jagah munāsib hai sochnā bichhaḌne kā

aap kī suhūlat bas ham aziiz rakhte haiñ

maañg lo atā hogā rāsta bichhaḌne kā

har milan judā.ī kī avvalīn manzil hai

vasl hī se juḌtā hai silsila bichhaḌne kā

be-sukūn shāmoñ se be-yaqīn sub.hoñ tak

tai huā hai āḳhir har marhala bichhaḌne kā

bhāñp to ga.e the ham saath aarzī hai ye

jān-e-man magar phir bhī dukh huā bichhaḌne kā

Leave a Comment