Saima Aftab
mujh men ab nahin baaqi hausla bichhaḌne ka
multaji huun dena mat indiya bichhaḌne ka
is se baḌh ke kya hota zindagi ke daman men
ek gham hai hone ka dusra bichhaḌne ka
pyaar aur tavaqqo.a ke silsile na baḌh jaa.en
is jagah munasib hai sochna bichhaḌne ka
aap ki suhulat bas ham aziiz rakhte hain
maang lo ata hoga rasta bichhaḌne ka
har milan juda.i ki avvalin manzil hai
vasl hi se juḌta hai silsila bichhaḌne ka
be-sukun shamon se be-yaqin sub.hon tak
tai hua hai aḳhir har marhala bichhaḌne ka
bhanp to ga.e the ham saath aarzi hai ye
jan-e-man magar phir bhi dukh hua bichhaḌne ka
Leave a Reply