abhinandan-pandey

Muddaa Jo Zehn Se Uttha Tha Wo Beja Na Tha

muddaa jo zehn se uttha tha vo beja na tha

dil bahut maasum tha dil aql-parvarda na tha

main tilism-e-raushni se kha raha tha kyuun fareb

dhuup thi to tha mira apna koi saaya na tha

jangalon ne kar liya taslim jaane kyuun gunah

ai jahan-e-nau tira ilzam tak pukhta na tha

raqs karte karte ik din khaak ho jaenge ham

ranj farmaega is darja junun socha na tha

main shuru-e-ishq men hal karne vaala tha ise

masala ruh-o-badan ka itna pechida na tha

jab yahan rahne ke sab asbab yakja kar liye

tab khula mujh par ki main duniya ka bashinda na tha

rafta rafta maut ki janib badha kyuun har koi

zindagi men kya bura tha zindagi men kya na tha

More Poems

Leave a Comment