mohlat na de zara bhi mujhe meri jaan khinch
main aarzu tamam huun apni kaman khinch
ik mahshar-e-jamal uTha toḌ de jumud
tir-e-nazar zamin se ta-asman khinch
main aa raha huun barsar-e-mauj-e-hava-e-gul
tu laakh apne gird hisar-e-makan khinch
lamhat-e-be-aman bhi ghanimat hain paas aa
mauzu-e-digaran bhi na ab darmiyan khinch
vo lab-chashidni hain vo daman-kashidni
aa.e na gar yaqin to pa.e-imtihan khinch
‘sahba’ ye shahr-e-zist sadaon ka shahr hai
ya.ani tanab-e-hasrat-e-husn-e-bayan khinch
Leave a Reply