mohabbaton men vafa ka hisab dega kaun
andheri shab ke liye aftab dega kaun
tum apni niind se jaago to ik saval karen
ki rat-jagon ka hamare hisab dega kaun
agar rahega yahi haal be-niyazi ka
tumhare haath men dil ki kitab dega kaun
thaki thaki si nazar ko kahan mayassar tum
ḳhizan ke daur men khilta gulab dega kaun
dil-o-nazar men khaTakte hain roz-o-shab ‘mina’
ka.i saval ki jin ka javab dega kaun
Leave a Reply