Wajid Ali Shah Akhtar
mohabbat se banda bana lijiyega
bata dijiye kya khuda lijiyega
kahan tak ye chhalla-chhupavval rahegi
bata dijiye ham se kya lijiyega
agar khoti ulfat se hai tum ko dhoka
kasauti par us ko chadha lijiyega
gilauri raqibon ne bheji hai sahab
kisi aur ko bhi khila lijiyega
muchalke ka kyuun naam aaya zaban par
mohabbat ka ham se likha lijiyega
kisi aur se phir na kijega ulfat
ye qimat hai pahle chuka lijiyega
khafa kijiye ab na ‘akhtar’ ko sahab
ye dil lijiye aur kya lijiyega
Leave a Reply