Mohabbat Mein Thani Aksar Yahan Tak

mohabbat men thani aksar yahan tak

ki pahunche marke tiir o kaman tak

chale navak khinchi zalim kaman tak

kahan tak imtihan akhir kahan tak

chale jaate hain avaz-e-jaras par

pahunch jaenge bichhde karvan tak

hava-e-shauq ke jhonke salamat

rahoge tum pas-e-parda kahan tak

na vo ayyar mujh se puchhta hai

na dil ki baat aati hai zaban tak

usi sar ko sar-e-shorida kahiye

jo pahunche us ke sang-e-astan tak

niyaz o naaz ke charche rahenge

hamari aur tumhari dastan tak

‘mubarak’ ko koi din aur sun lo

bayan ka lutf hai us khush-bayan tak

Leave a Comment