Poet
mohabbat ma-siva ki jis ne ki gori kaloTi ki
yaqin kiijo ki kafir ho ke apni raah khoTi ki
mohabbat ma-siva allah ki har kufr se bad-tar
faqiron ne qana.at tab to barsili langoTi ki
qana.at ka ḳhazina gar kisi ke haath lag jaave
nahin parvah rakhta hai kisi sarraf soTi ki
dil-e-qane ke ta.iin nan-e-javin ḳhush-tar ze-tar-halva
nahin ho ehtiyaj us ko pulav gosht roTi ki
jigar khane men apne fa.eda az-bas, tu kya jaane
vo jaane chashni chakkhi ho jis ne dil ki boTi ki
tan-e-laghar ba-rah-e-ishq behtar hai bacha la ke
kiya muzghe ne kya hasil agarche shakl moTi ki
ab is duniya men duniya chhoḌ kar rahna hi behtar hai
kahani thi baḌi lek ‘afridi’ ne to chhoTi ki
Leave a Reply