adeel-zaidi

Mohabbat Ki Saza Pai Bahut Hai

mohabbat ki saza paai bahut hai

hamare gham men girai bahut hai

khada mele men aksar sochta huun

mire andar to tanhai bahut hai

nahin hai aur koi sirf main huun

falak se ye sada aai bahut hai

kama len shohraten sasti si ham bhi

magar is men to rusvai bahut hai

tasavvur shart sab kuchh samne hai

nazar valon ko binai bahut hai

‘adil’ us ko kahan tum bhuul paae

qasam go tum ne ye khaai bahut hai

More Poems

Leave a Comment