mange hai tire milne ko be-tarah se dil aaj
kal kya hai jo milna hai miri jaan tu mil aaj
phir sub.h se ashob-e-qayamat hai jahan men
chehre pe tire kin ne banaya hai ye til aaj
ai girya tu ḳhatir se miri kiijo na sarfa
main ḳhun-e-dil-ḳhasta kiya tujh pe bahil aaj
chahe hai agar kal ko tiri nashv-o-numa ho
dil khol ke daane ki tarah ḳhaak men ril aaj
kya siina jo taḌphon ko nigah ki tiri jhele
is tiir se rah jaa.e na faulad ki sil aaj
ya-rab na paḌe asl se apni koi yaan duur
ye aab tha sab jitni ki dekhe hai tu gil aaj
‘qa.em’ ye ghazab kal to na TuuTe tha tire par
dekha hai kahin tiin vo but-e-mehr-gusil aaj
Leave a Reply