Khwaja Razi Haidar
mohabbat ek jaisi hai vafa.en ek jaisi hain
yahan mausam badalne par hava.en ek jaisi hain
ajab shahr-e-suḳhan abad hai meri sama.at men
ajab shahr-e-ḳhamoshan hai sada.en ek jaisi hain
tiri ankhon men avazen mire honTon pe sannaTa
safar ki dastanen kya suna.en ek jaisi hain
suna hai us taraf bhi shaam ko lahja mahakta hai
ḳhafa aapas men hain lekin dua.en ek jaisi hain
‘razi’ donon ko akasr ḳhauf-e-tanha.i satata hai
‘razi’ donon ki qismat men saza.en ek jaisi hain
Leave a Reply