miTa Kar Phir Banaya Ja Raha Hai

miTā kar phir banāyā jā rahā hai

hameñ kuuza batāyā jā rahā hai

vahī kuchh to kareñge apne bachche

unheñ jo kuchh sikhāyā jā rahā hai

vahī paanī pe likhte jā rahe haiñ

hameñ jo kuchh paḌhāyā jā rahā hai

hathelī kī lakīreñ haiñ ki jin meñ

koī dariyā bahāyā jā rahā hai

hameñ Darnā nahīñ aatā hai ‘jāzib’

hameñ phir bhī Darāyā jā rahā hai

Leave a Comment