Amir Hamza Saqib
miras-e-be-baha bhi bacha.i na ja saki
ik zillat-e-vafa thi uTha.i na ja saki
vadon ki raat aisi ghani thi siyah thi
qindil-e-e’tibar bujha.i na ja saki
chaha tha tum pe varenge lafzon ki ka.enat
ye daulat-e-suḳhan bhi kama.i na ja saki
vo sahar tha ki rang bhi be-rang the tamam
tasvir-e-yar ham se bana.i na ja saki
ham madrasan-e-ishq ke vo honhar tifl
ham se kitab-e-aql uTha.i na ja saki
vo tharthari thi jan-e-suḳhan tere ru-ba-ru
tujh par kahi ghazal bhi suna.i na ja saki
Leave a Reply