milta nahin koi bhi ḳharidar ishq men
rusva hue hain bar-sar-e-bazar ishq men
manzil mili na mahala-e-dil hi tai hua
dasht-e-junun ko janiye divar-e-ishq men
us nafa-e-nigah se pagal hue to kya
zanjir hai ye dard ka azad ishq men
ab tak tire ḳhayal se namnak hai ye aankh
sarf is qadar hua huun gunahgar ishq men
fariyad kar raha huun juda.i ke dasht men
koi nahin sharik-e-gham-e-yar ishq men
main kunj-e-afiyat men raha umr-bhar magar
ḳhud se hua huun bar-sar-e-paikar ishq men
haath aa ga.i kalid-e-tilism-e-nigah kya
khulne lage hain husn ke asrar-e-ishq men
hairaniyon ke zaḳhm ka marham kahan ‘nadim’
dil sehr-e-dard se hua bedar ishq men
Leave a Reply