Majid Ali Kavish
milne koi mujh se mire andar nahin aata
andar mire jo bhi hai vo bahar nahin aata
kyuun aa.e ho mere liye dastur na badlo
dariya ke liye koi samundar nahin aata
is karb ka aalam to musafir hi se puchho
jab shaam guzar jaati hai aur ghar nahin aata
sach baat to ye hai ki kare bhi to koi kya
aata hai bura vaqt to kah kar nahin aata
sha.ir to bahut se hain magar ‘josh’ the phir ‘josh’
sab ke liye alfaz ka lashkar nahin aata
Leave a Reply