mili havaon men udne ki vo saza yaaro
ki main zamin ke rishton se kat gaya yaaro
vo be-khayal musafir men rasta yaaro
kahan tha bas men mire us ko rokna yaaro
mire qalam pe zamane ki gard aisi thi
ki apne baare men kuchh bhi na likh saka yaaro
tamam shahr hi jis ki talash men gum tha
main us ke ghar ka pata kis se puchhta yaaro
jo be-shumar dilon ki nazar men rahta tha
vo apne bachchon ko ik ghar na de saka yaaro
janab-e-‘mir’ ki khud-gharziyon ke sadqe men
miyan ‘vasim’ ke kahne ko kya bacha yaaro
Leave a Reply