Sahba Akhtar
mile hain pyaar ke lamhe to un men kho jaa.en
nasib jaag raha hai to aao so jaa.en
sar-e-bahisht ghazal kausar-e-mohabbat men
uTho ki qarz ada tishnagi ke ho jaa.en
ye ashk ashk guhar ra.egan na ja.enge
jo un ko sher ki laḌiyon men ham piro jaa.en
bahar ho ki ḳhizan kar-gah-e-hasti men
unhen kisi se gharaz kya jo tere ho jaa.en
chaman nasib zamana karega yaad hamen
zamin-e-sher men ‘sahba’ ḳhayal bo jaa.en
Leave a Reply