Poet
mila kar khaak men phir khaak ko barbad karte hain
gharibon par sitam kya kiya sitam-ijad karte hain
hazaron dil jala kar ghair ka dil shaad karte hain
mita kar saikdon shahr ek ghar abad karte hain
moazzin ko bhi vo sunte nahin naqus to kya hai
abas shaikh o barhaman har taraf fariyad karte hain
hasinon ki mohabbat ka na kar kuchh e’tibar ai dil
ye zalim kis ke hote hain ye kis ko yaad karte hain
vahi shagird phir ho jaate hain ustad ai ‘jauhar’
jo apne jaan o dil se khidmat-e-ustad karte hain
Leave a Reply