Poet
mil ke ik baar use yaad nahin hone ke
dil ke ujḌe nagar abad nahin hone ke
ab na.e zulm to ijad nahin hone ke
sahiba ham koi fariyad nahin hone ke
sachche ushshaq to napaid hue duniya men
ab koi shirin-o-farhad nahin hone ke
dil men Thani hai bhula den tumhen dhire dhire
aur is ishq men barbad nahin hone ke
ek va.ade ne yuun pa-basta kiya hai ham ko
ab kisi taur bhi azad nahin hone ke
ham ne har haal men jiine ki qasam khaa.i hai
ham kabhi ziist men nashad nahin hone ke
ek kam-zarf se kya zarf ki umiid karen
hain jo baune kabhi shamshad nahin hone ke
Leave a Reply