Mil Jaen Azhdaham Mein Hum Hi Ye Humse Dur

mil jaaen azhdaham men ham hi ye ham se duur

ik ghar juda banaenge dair-o-haram se duur

jitne qadam zyada hon utna zyada ajr

ghar barahman ka chahiye bait-us-sanam se duur

shaddad shukr kar ki gai dar pe teri jaan

jab tha maqam-e-shikva ki marta iram se duur

pairav huun garche pas-e-adab bhi zarur hai

rakhta huun paanv khizr ke naqsh-e-qadam se duur

chahun ki haal vahshat-e-dil kuchh raqam karun

bhagen huruf vaqt-e-nigarish qalam se duur

dekha hai dam-o-dana ka dastur yaan naya

khal-e-zaqan hi turra-e-pur-pech-o-kham se duur

dam bhar men ja pahunchte hain yaan ke muqim vaan

ye marhala nahin hai savad-e-adam se duur

hain khel sab munafi-e-shaukat ki ahl-e-jah

rah jaate hain shikar men khail-o-hasham se duur

‘nazim’ ye taar bijli ke nikle hai raah khuub

baten karenge yaar ho kitna hi ham se duur

Leave a Comment