akbar-allahabadi

Mil Gaya Shara Se Sharab Ka Rang

mil gaya shara se sharab ka rang

khuub badla gharaz janab ka rang

chal diye shaikh subh se pahle

ud chala tha zara khizab ka rang

paai hai tum ne chand si surat

asmani rahe naqab ka rang

subh ko aap hain gulab ka phuul

dopahar ko hai aftab ka rang

laakh janen nisar hain is par

didani hai tire shabab ka rang

tiktiki bandh gai hai budhon ki

didani hai tire shabab ka rang

josh aata hai hosh jaata hai

didani hai tire shabab ka rang

rind-e-ali-maqam hai ‘akbar’

bu hai taqva ki aur sharab ka rang

More Poems

Leave a Comment