Muhib Wafa
mi.ad-e-qaid-e-ranj baḌha di ga.i to kya
jurm-e-vafa ki ham ko saza di ga.i to kya
ik bahr-e-be-karan to hai ankhon men maujzan
ik mauj tere gham men baha di ga.i to kya
is pesha-e-junun men luTane ko tha hi kya
ik umr thi so tujh pe luTa di ga.i to kya
is ahd-e-bevafa men jo misaq-e-ishq se
ik shart-e-e’tibar uTha di ga.i to kya
shab-ha-e-intizar ki derina sarguzisht
ik pal men tujh se mil ke bhula di ga.i to kya
Leave a Reply