Rashmi Saba
kahin se aati sada hai koi
sada nahin hai dua hai koi
kahan pata thi ye baat mujh ko
ki mujh men kab se chhupa hai koi
samajh rahe the jise jazira
samundaron men ghira hai koi
chamak raha hai jo chand ban ke
yahin se uTh kar gaya hai koi
zara sambhal kar qadam baḌhana
isi safar men luTa hai koi
vafa bhi de di ana bhi de di
‘saba’ se phir kyuun ḳhafa hai koi
Leave a Reply