chhupa rakkha tha yuun ḳhud ko kamal mera tha
kisi pe khul nahin paaya jo haal mera tha
har ek pa-e-shikasta men thi miri zanjir
har ek dast-e-talab men saval mera tha
main reza reza bikharta chala gaya ḳhud hi
ki apne aap se bachna muhal mera tha
har ek samt se sang-e-sada ki barish thi
main chup raha ki yahi kuchh ma.aal mera tha
tira ḳhayal tha taaza hava ke jhonke men
jo gard uḌ ke ga.i hai malal mera tha
main ro paḌa huun ‘tabassum’ siyah raton men
ghurub-e-mah men shayad zaval mera tha
Leave a Reply