Bashir Badr
miri zaban pe nae zaiqon ke phal likh de
mire khuda tu mire naam ik ghazal likh de
main chahta huun ye duniya vo chahta hai mujhe
ye masala bada nazuk hai koi hal likh de
ye aaj jis ka hai us naam ko mubarak ho
miri jabin pe mire ansuon se kal likh de
hava ki tarah main betab huun ki shakh-e-gulab
jo regzaron pe talab ke kanval likh de
main ek lamhe men duniya samet sakta huun
tu kab milega akele men ek pal likh de
Leave a Reply