ain-tabish

Meri Tanhai Ke Ejaz Mein Shamil Hai Wahi

meri tanhai ke ejaaz men shamil hai vahi

raqs men hai dil-e-divana ki mahfil hai vahi

ye alag baat na vo tamkanat-ara hai na main

hai chaman bhi vahi aur shor-e-anadil hai vahi

vahi laila-e-suḳhan ab bhi sarapa-e-tilism

meri jaan ab bhi vahi hai ki mira dil hai vahi

dasht-e-hairat men vahi mera junun mahv-e-ḳhiram

aa ke dekho ki yahan garmi-e-mahfil hai vahi

us men jo duub gaya paar utar jaega

mauj-dar-mauj vo dariya hai to sahil hai vahi

aaj bhi us ke mire biich hai duniya haail

aaj bhi us ke mire biich ki mushkil hai vahi

More Poems

Leave a Comment