miri surat men mira yaar hai allah allah
mire dil men mira dildar hai allah allah
kya hi tasvir bani hai ye aha ha ha ha
is men aapi vo numudar hai allah allah
shakl-e-adam ke siva aur na bhaya naqsha
saare aalam men ye iz.har hai allah allah
mera jism aur miri jaan hai vahi jaan bilkul
main kahun kya ki main huun yaar hai allah allah
masti-e-har-do-jahan hai dil-e-adam se ayaan
yahi behosh to hoshyar hai allah allah
jis ko nisbat ho payambar ki vahi ho agah
meri baton men jo asrar hai allah allah
ḳhaka murshid ka hava men to hua yaar ayaan
ye ajab faiz ka darbar hai allah allah
qissa qarnon men na tai hota vo dam-bhar men hua
fazl murshid ka ye iz.har hai allah allah
shah-e-‘mardan’ na koi aur na ḳhadim na safi
shakl-e-ahmad ka ye iz.har hai allah allah
Leave a Reply