Akhtar Shirani
miri sham-e-gham ko vo bahla rahe hain
likha hai ye khat men ki ham aa rahe hain
thahar ja zara aur ai dard-e-furqat
hamare tasavvur men vo aa rahe hain
gham-e-aqibat hai na fikr-e-zamana
piye ja rahe hain jiye ja rahe hain
nahin shikva-e-tishnagi mai-kashon ko
vo ankhon se mai-khane barsa rahe hain
vo rashk-e-bahar aane vaala hai ‘akhtar’
kanval hasraton ke khile ja rahe hain
Leave a Reply