Ameer Qazalbash
meri pahchan hai kya mera pata de mujh ko
koi a.ina agar hai to dikha de mujh ko
tujh se milta huun to aksar ye ḳhayal aata hai
is bulandi se agar koi gira de mujh ko
kab se patthar ki chaTTanon men huun gumnam o asiir
devtaon ki tarah koi jaga de mujh ko
ek a.ina sar-e-rah liye baiTha huun
jurm aisa hai ki har shaḳhs saza de mujh ko
in andheron men akela hi jalunga kab tak
koi shai tu bhi to ḳhurshid-numa de mujh ko
Leave a Reply