Zubair Qaisar
miri kahani ke kirdar saans lete hain
main saans luun to mire yaar saans lete hain
ham ek dasht men dete hain zindagi ki naved
hamare siine men azar saans lete hain
kabhi to vaqt ki gardish thaka bhi deti hai
so thaam kar tiri divar saans lete hain
ukhaḌne lagti hain sansen ulajh ke sanson se
phir is ke ba.ad lagatar saans lete hain
ye vahime se mire dil men be-sabab to nahin
tiri ḳhamoshi men inkar saans lete hain
ḳhutut phaTne lage miT ga.i hain tahriren
suna.i dete hain afkar saans lete hain
kahani-kar ne inkar hi dikhaya hai
tamam lafzon men iz.har saans lete hain
jo chhu ke dekhiye to zindagi nahin milti
‘zubair’ kis liye be-kar saans lete hain
Leave a Reply