dilon ko todne vaalo khuda ka khauf karo
gire huon ko utha lo khuda ka khauf karo
chamak kar aur badhao na meri siyah-bakhti
bade gharon ke ujalo khuda ka khauf karo
na jaao kar-e-mohabbat men chhod kar tanha
zara sa haath bata lo khuda ka khauf karo
hamen bhi raah dikha do bada andhera hai
jahan men raushni vaalo khuda ka khauf karo
hamari laghzish-e-pa par na yuun hanso tanzan
khudara badh ke utha lo khuda ka khauf karo
Leave a Reply