Ghulam Murtaza Rahi
miri giraft men hai ta.er-e-ḳhayal mira
magar uḌaa.e liye ja raha hai jaal mira
yaqin itna nahin mera jitna nabz ka hai
miri zaban se sunta nahin vo haal mira
kamal ki vo imarat miri hui mismar
khanDar ki shakl men baaqi raha zaval mira
faza men jhonk de andhi ke baad paani bhi
uḌaa.i ḳhaak to ab ḳhuun bhi uchhal mira
zaban apni badalne pe koi raazi nahin
vahi javab hai us ka vahi saval mira
main sar kiye hue baiTha huun ik na.i choTi
kuchh aur fasle se dekh ab kamal mira
Leave a Reply