vahshat firaq ḳhauf tira dhyan al-aman
kitni bala.en hain miri mehman al-aman
ankhon ko ḳhira kar gaya ik jalva-e-sharir
aur dil ko kha ga.i tiri muskan al-aman
ik silsila juḌa tha ki phir aankh khul ga.i
kis darja ho gaya mira nuqsan al-aman
ai husn-e-dil-fareb zara der ko fareb
karne laga hai hijr pareshan al-aman
ai ish-e-mehrban koi dam koi darud
milta nahin koi bhi nigahban al-aman
aise nikalna hai tiri bazm-e-jamal se
jaise kisi badan se koi jaan al-aman
Leave a Reply