Nisar Nasik
meri apna.i hui qadron ne hi nocha mujhe
tu ne kis tahzib ke patthar se la bandha mujhe
main ne sahil par jala diin maslahat ki kashtiyan
ab kisi ki bevafa.i ka nahin khaTka mujhe
dast-o-pa basta khaḌa huun pyaas ke sahraon men
ai farat-e-zindagi tu ne ye kya baḳhsha mujhe
chand kirnen jo mire kaase men hain un ke evaz
shab ke darvaze pe bhi dena paḌa pahra mujhe
sathiyo tum sahilon par chain se so.e raho
le hi ja.ega kahin bahta hua dariya mujhe
Leave a Reply