dard shayan-e-shan-e-dil bhi nahin
aur shab-e-hijr mustaqil bhi nahin
yuun gale mil ke fa.eda kya hai
zaḳhm andar se mundamil bhi nahin
vasl bhi hai firaq bhi is men
mausam-e-ishq mo.atadil bhi nahin
har kisi se ye mel kyuun khaa.e
dil to phir dil hai ab-o-gil bhi nahin
soch hai kuchh haqiqaten kuchh hain
ḳhvab-e-ta.abir muttasil bhi nahin
ab bhi jaari hai raqs miTTi ka
saans ke taar muzmahil bhi nahin
ham jo ruThe hain jaan se ‘zakir’
rabt TuuTa hai munfasil bhi nahin
Leave a Reply