Poet
bad-guman aaj saari mahfil hai
jaane kis raah kis ki manzil hai
hal-e-dil ham bayan karen kaise
shahar ka mas.ala muqabil hai
umr biiti hai meri sahra men
duur tak dariya hai na sahil hai
saath chalna hai un ki majburi
do kinaron ki ek manzil hai
vo miri ghazlon ka hi hai hissa
vo kahan zindagi men shamil hai
dil miri ek bhi nahin sunta
kaisa gustaḳh ye mira dil hai
Leave a Reply